Velkomin á vef Héraðsdóms Austurlands

Héraðsdómur Austurlands starfar samkvæmt lögum nr. 15/1998.
Skrifstofa dómstólsins er opin frá kl. 9.00 til 12.00 og 13.00 til 16.00 alla virka daga að Lyngási 15 á Egilsstöðum.
Dómstjóri er Halldór Björnsson.

Umdæmi Héraðsdóms Austurlands skiptist í tvær dómþinghár,
sbr. 1. gr. reglugerðar nr. 395/1998.

Eftirtalin sýsluumdæmi heyra til umdæmis hans:
a. Umdæmi sýslumannanna á Eskifirði og á Seyðisfirði.
Þingstaður: Héraðsdómur Austurlands, Lyngási 15, Egilsstöðum.
Regluleg dómþing eru 1. og 3. þriðjudag hvers mánaðar kl. 14.00.
b. Umdæmi sýslumannsins á Höfn.
Þingstaður: Skrifstofa sýslumanns, Hafnarbraut 36, Höfn.
Regluleg dómþing eru haldin 2. miðvikudag kl. 14.00,
mánuðina febrúar, apríl, júní, september og nóvember.
Hlé eru á reglulegum dómþingum mánuðina júlí og ágúst svo og frá 20. desember til 6. janúar, að báðum dögum meðtöldum ár hvert. Þá falla regluleg dómþing niður á lögboðnum frídögum, sbr. lög nr. 88/1971.

Nýir dómar

8. júlí 2010
S-55/2010 Héraðsdómur Austurlands
Halldór Björnsson dómstjóri

F var dæmdur í 30 daga skilorðsbundið fangelsi fyrir að hafa slegið A hnefahögg í andlit með þeim afleiðingum að tönn brotnaði. F játaði sök og gerði samkomulag við brotaþola fyrir dómi um greiðslu skaðabóta.

Sjá nánar

7. júlí 2010
S-21/2010 Héraðsdómur Austurlands
Halldór Björnsson dómstjóri

G var dæmdur í tveggja mánaða skilorðsbundið fangelsi fyrir fimmtán brot á reglum um aksturs- og hvíldartíma ökumanna.

Sjá nánar

1. júlí 2010
S-5/2010 Héraðsdómur Austurlands
Halldór Björnsson dómstjóri

H var sakfelldur fyrir að hafa ekið einu sinni undir áhrifum amfetamíns og einu sinni ölvaður og of hratt. Var H dæmdur til greiðslu sektar og sviptur ökurétti.

Sjá nánar

28. júní 2010
S-43/2010 Héraðsdómur Austurlands
Halldór Björnsson dómstjóri

B var sakfelldur fyrir þjófnaðarbrot með því að hafa í félagi við annan mann brotist inn í verslun. Með broti sínu rauf B skilyrði reynslulausnar 88 daga fangelsisrefsingar og var sú refsing dæmd upp og B gerð fimm mánaða fangelsisrefsing.

Sjá nánar