Velkomin á heimasíðu dómstólaráðs

Dómstólaráð fer með yfirstjórn stjórnsýslu héraðsdómstólanna. Ráðið starfar samkvæmt dómstólalögum nr. 15/1998.

Helstu verkefni dómstólaráðs samkvæmt lögunum er stjórnun fjárreiða héraðsdómstólanna, setning samræmdra reglna fyrir þá, ákvarðanir um fjölda dómara og annarra starfsmanna við hvern héraðsdómstól, söfnun upplýsinga um fjölda og afgreiðslu mála en almennt ber ráðinu að stuðla að því að gætt sé skilvirkni og hraða við rekstur dómsmála. Dómstólaráð fer með forsvar héraðsdómstólanna sameiginlega gagnvart stjórnvöldum og öðrum. Þá annast dómstólaráð símenntun héraðsdómara. Verkefni dómstólaráðs eru ekki tæmandi talin í dómstólalögunum en sem dæmi um önnur verkefni sem ráðið hefur sinnt eru tölvu- og upplýsingamál héraðsdómstólanna, samstarf við yfirstjórnir dómstóla á Norðurlöndum og símenntun annarra starfsmanna en dómara og löglærðra aðstoðarmanna.

Nýir dómar

16. maí 2012
E-5861/2010 Héraðsdómur Reykjavíkur
Símon Sigvaldason héraðsdómari

Kaupþing hf. höfðaði mál gegn stefnda og krafðist riftunar þeirrar ákvörðunar fyrrum stjórnar bankans að fella niður ábyrgð stefnda á lánum sem stefndi hafði tekið til kaupa á hlutabréfum í bankanum er hann starfaði hjá honum. Var fallist á kröfur bankans og stefnda gert að greiða þann hluta af láninu er hann bar ábyrgð á.

Sjá nánar

16. maí 2012
E-3673/2011 Héraðsdómur Reykjavíkur
Sigrún Guðmundsdóttir héraðsdómari

Stefnandi ekki talin eiga rétt til frekari greiðslna frá stefnda en hún hafi þegar þegið við starfslokin.

Sjá nánar

16. maí 2012
E-4425/2011 Héraðsdómur Reykjavíkur
Sigrún Guðmundsdóttir héraðsdómari

Stefndi sýknaður af kröfu stefnanda um greiðslu á andvirði nýrrar tölvu og prentara, þar sem samningur málsaðila var skýrður svo að einungis var verið að skifta þeim eignum sem til voru.

Sjá nánar