Héraðsdómur Norðurlands vestra starfar samkvæmt lögum nr. 15/1998. Skrifstofa dómstólsins er opin frá kl. 9.00 til 16.00 alla virka daga að Skagfirðingabraut 21, Sauðárkróki.
Dómstjóri er Halldór Halldórsson.

Umdæmi Héraðsdóms Norðurlands vestra skiptist í tvær dómþinghár,
sbr. 1. gr. reglugerðar nr. 395/1998.

Eftirtalin sýslumannaumdæmi heyra til umdæmis hans:

1. Umdæmi sýslumannsins á Sauðárkróki.
   Þingstaður: Héraðsdómur Norðurlands vestra, Skagfirðingabraut 21, Sauðárkróki. Regluleg dómþing eru haldin 2. og 4. þriðjudag hvers mánaðar kl. 14.00.
2. Umdæmi sýslumannsins á Blönduósi.
   Þingstaður: Skrifstofa sýslumanns, Hnjúkabyggð 33, Blönduósi. Regluleg dómþing eru  1. miðvikudag hvers mánaðar kl. 14.00.

Hlé eru á reglulegum dómþingum mánuðina júlí og ágúst svo og frá 20. desember til 6. janúar, að báðum dögum meðtöldum ár hvert. Þá falla regluleg dómþing niður á lögboðnum frídögum, sbr. lög nr. 88/1971.

Nýir dómar