Héraðsdómur Reykjavíkur starfar samkvæmt lögum nr. 15/1998.

Afgreiðsla dómstólsins er opin virka daga frá kl. 8.30 til 16.00. Skiptiborð er opið frá kl. 8.30 til 15.00.

Upplýsingar um dómsmálagjöld og reikningsnúmer má finna hér.

Dómstóllinn hefur aðsetur í Dómhúsinu við Lækjartorg. Dómstjóri í leyfi Helga I. Jónssonar er Eggert Óskarsson varadómstjóri.

Umdæmi Héraðsdóms Reykjavíkur er ein dómþinghá, sbr. 1. gr. reglugerðar nr. 1109/2010. Eftirtalin sveitarfélög heyra til umdæmis hans: Reykjavík, Seltjarnarnes, Mosfellsbær og Kjósarhreppur.

Regluleg dómþing í einkamálum eru þriðjudaga og fimmtudaga kl. 10.00. Þingstaður er í dómsal 102 í Dómhúsi Héraðsdóms Reykjavíkur við Lækjartorg.

Hlé eru á reglulegum dómþingum í einkamálum mánuðina júlí og ágúst svo og frá 20. desember til 6. janúar, að báðum dögum meðtöldum ár hvert. Þá falla regluleg dómþing í einkamálum niður á lögboðnum frídögum, sbr. lög nr. 88/1971.

Neyðarnúmer vegna fasteigna Héraðsdóms Reykjavíkur er 852-1992.

Nýir dómar

3. febrúar 2012
E-2983/2010 Héraðsdómur Reykjavíkur
Kolbrún Sævarsdóttir settur héraðsdómari

M dæmd forsjá barns.

Sjá nánar

2. febrúar 2012
E-2199/2011 Héraðsdómur Reykjavíkur
Þórður S Gunnarsson settur héraðsdómari

Tryggingafélag dæmt til að greiða eftirlifandi maka bætur úr líftryggingu að fullu. Ekki var fallist á rétt tryggingafélagsins til að skerða bætur vegna meintra rangra eða ófullnægjandi upplýsinga tryggingartaka við töku líftryggingarinnar. Fallist var á með stefnanda málsins að leysa bæri ágreining aðila á grundvelli laga nr. 30/2004 um vátryggingarsamninga, sem í gildi voru þegar tryggingartaki lést, en ekki laga nr. 20/1954 um vátryggingarsamninga, sem í gildi voru þegar til líftryggingarinnar var stofnað.

Sjá nánar

2. febrúar 2012
S-1835/2011 Héraðsdómur Reykjavíkur
Ragnheiður Harðardóttir héraðsdómari

Ákærðu sakfelldir fyrir nauðgun.

Sjá nánar

2. febrúar 2012
X-574/2010 Héraðsdómur Reykjavíkur
Barbara Björnsdóttir settur héraðsdómari

Í málinu var deilt um rétthæð kröfu sóknaraðila við slit varnaraðila. Var kröfum sóknaraðila um að viðurkennt væri að krafa hans væri sértökukrafa, eða til vara forgangskrafa, hafnað.

Sjá nánar