Fréttir Héraðsdómur Reykjavíkur

Setning Helga I. Jónssonar, dómstjóra Héraðsdóms Reykjavíkur, sem dómara við Hæstarétt Íslands hefur verið framlengd frá 1. febrúar til og með 31. maí  2012. Á meðan gengir Eggert Óskarsson varadómstjóri embætti dómstjóra við Héraðsdóm Reykjavíkur.

Sigríður Elsa Kjartansdóttir hefur verið sett héraðsdómari við Héraðsdóm Reykjavíkur frá og með 25. nóvember til og með 31. janúar 2012.

Friðrík Þ. Stefánsson hefur verið ráðinn rekstrar- og mannauðsstjóri við Héraðsdóm Reykjavíkur. Hann tekur við starfinu af Ólöfu Finnsdóttur, skrifstofustjóra embættisins, sem ráðin hefur verið framkvæmdastjóri dómstólaráðs.

Helgi I. Jónsson, dómstjóri Héraðsdóms Reykjavíkur, hefur verið settur dómari við Hæstarétt Íslands frá 10. nóvember til og með 31. janúar 2012. Á meðan mun Eggert Óskarsson varadómstjóri gegna embætti dómstjóra við Héraðsdóm Reykjavíkur.

Sigríður Hjaltested hefur verið sett héraðsdómari við Héraðsdóm Reykjavíkur í leyfi dómara frá og með 1. október til og með 31. desember 2011.

Halldór Björnsson héraðsdómari hefur fengið flutning til Héraðsdóms Reykjavíkur frá og með 1. september 2011. Halldór var dómstjóri við Héraðsdóm Austurlands.

Barbara Björnsdóttir hefur verið sett í embætti héraðsdómara við Héraðsdóm Reykjavíkur frá og með 1. september 2011 til og með 29. febrúar 2012 í leyfi Ingveldar Einarsdóttur, héraðsdómara. Einnig hefur Hrannar Már Sigurðsson Hafberg verið settur í embætti héraðsdómara við Héraðsdóm Reykjavíkur frá og með 5. september til og með 31. desember 2011 í leyfi Sigríðar Ingvarsdóttur. Þá hefur og setning Kobrúnar Sævarsdóttur verið framlengd frá og með 1. september til og með 31. desember 2011.

Kolbrún Sævarsdóttir, saksóknari hjá embætti ríkissaksóknara, hefur verið sett í embætti héraðsdómara við Héraðsdóm Reykjavíkur frá og með 1. september 2010 til og með 31. ágúst 2011 í leyfi Jónasar Jóhannssonar, héraðsdómara.