Héraðsdómur Vestfjarða starfar samkvæmt lögum nr. 15/1988.
Skrifstofa dómstólsins er opin frá kl. 9.00 til 15.30 alla virka daga að Hafnarstræti 9, Ísafirði.
Dómstjóri er Kristinn Halldórsson.

Umdæmi Héraðsdóms Vestfjarða skiptist í tvær dómþinghár,
sbr. 1. gr. reglugerðar nr. 395/1998.

Eftirtalin sýsluumdæmi heyra til umdæmis hans:
a. Umdæmi sýslumannanna í Bolungarvík, á Hólmavík og á Ísafirði.
Þingstaður: Héraðsdómur Vestfjarða, Hafnarstræti 9, Ísafirði.
Regluleg dómþing eru 1. og 3. miðvikudag hvers mánaðar kl. 10.00.
b. Umdæmi sýslumannsins á Patreksfirði.
Þingstaður: Skrifstofa sýslumanns, Aðalstræti 92, Patreksfirði.
Regluleg dómþing eru haldin 2. miðvikudag kl. 14.00, mánuðina febrúar, apríl, júní, september og nóvember.

Hlé eru á reglulegum dómþingum mánuðina júlí og ágúst svo og frá 20. desember til 6. janúar, að báðum dögum meðtöldum ár hvert. Þá falla regluleg dómþing niður á lögboðnum frídögum, sbr. lög nr. 88/1971.

Nýir dómar

16. júlí 2010
E-31/2010 Héraðsdómur Vestfjarða
Kristinn Halldórsson héraðsdómari

Stefndu dæmdir til greiðslu hluta skuldar einkahlutafélags við stefnanda á grundvelli ábyrgðaryfirlýsingar í skuldabréfi. Annar stefndu hélt uppi vörnum í málinu sem ekki komust að vegna ákvæða XVII. kafla laga nr. 91/1991.

Sjá nánar

16. júlí 2010
Q-2/2010 Héraðsdómur Vestfjarða
Kristinn Halldórsson héraðsdómari

Ákvörðun skiptastjóra, sem fer með opinber skipti málsaðila, þess efnis að fela matsmanni að meta verðmæti eignarhluta þeirra í félögunum A og B, var staðfest.

Sjá nánar

24. júní 2010
E-210/2009 Héraðsdómur Vestfjarða
Kristinn Halldórsson héraðsdómari

Talið var sannað að samningur hefði komist á milli málsaðila um sölu stefnanda á þremur iðnaðarhurðum til stefnda. Þá var talið að afpöntun stefnda hefði borist stefnanda of seint. Stefnda var því dæmt til að greiða stefnanda söluverð hurðanna að fullu.

Sjá nánar

18. júní 2010
Z-1/2010 Héraðsdómur Vestfjarða
Kristinn Halldórsson héraðsdómari

Ágreiningsmáli vegna nauðungarsölu vísað frá dómi þar sem sóknaraðili var ekki talinn njóta réttar skv. 2. mgr. 73. gr. laga nr. 90/1991 til að leita bréflega úrlausnar héraðsdómara um ákvörðun sýslumanns.

Sjá nánar