Fréttir Héraðsdómur Vesturlands

Benedikt Bogason, dómstjóri Héraðsdóms Vesturlands, verður í leyfi frá dómstólnum frá 1. nóvember til og með 31. desember 2014 en hann hefur verið settur dómari við Hæstarétt Íslands þann tíma. Þar til gengið hefur verið frá setningu nýs dómstjóra við dómstólinn mun Hjörtur O. Aðalsteinsson, dómstjóri við Héraðsdóm Suðurlands, sinna starfi dómstjóra við Héraðsdóm Vesturlands samhliða starfi sínu.

Benedikt Bogason hefur verið skipaður til að gegna áfram embætti dómstjóra við Héraðsdóm Vesturlands til næstu fimm ára, frá og með 1. desember 2008.

Nú er í fyrsta sinn hafin almenn birting héraðsdóma á netinu.  Hæstiréttur Íslands hefur árum saman birt dóma sína á heimasíðu sinni og auk þess hefur Héraðsdómur Norðurlands eystra birt dóma sína lengi. 

Dómsmálaráðherra hefur að tillögu Benedikts Bogasonar dómstjóra ákveðið að setja Kristin Halldórsson aðstoðarmann dómara, í stöðu dómstjóra við Héraðsdóm Vesturlands í leyfi Benedikts frá 15. mars til 15. júní 2006.